Wallisian Rosary Prayers

E au tui ki te 'Atua / The Apostles' Creed / Credo
E au tui ki te 'Atua, ko te Tamai Mafimafi,
'Aia nee ina gaohi te lagi mo te kelekele,
pea 'e au tui kia Sesu Kilisito,
ko tona 'Alo pe e tahi, ko totatou 'Aliki,
nee fakatupu ia e te Laumalie Maonioni
pea fanaui ia e te Taupoou ko Malia,
pea nee mamahi ia i te pule a Posio Pilato,
nee kolusifiko ia,
pea puluhia, pea fakakoloa,
pea hifo ia ki 'Ifeleno,
pea tuu ia i tona 'aho tolu, mai te puluhia,
pea haele ake ia ki Selo,
pea 'Afio ia i te nima too matau o te 'Atua,
ko te Tamai Mafimafi, pea haele ia mai ai,
ke fakamau te maulo mo te mate.
E au tui ki te Laumalie Maonioni,
mo te Sagata 'Ekelesia katolika,
mo te komunio o te hahai agatonu,
mo te fakamolemole o te agahala,
mo te tuuake o te sino,
mo te mauli heegata. 'Ameni.

Ko tamatou Tamai e i Selo,
ke tupuha tou Huafa,
ke 'aumai tau pule,
ke fai tou finegalo,
i te kelekele o hage ko Selo.
Ke foaki mai hamatou me'akai i te 'aho nei,
pea ke fakamolemole tamatou agahala,
o hage ko tamatou fakamolemole
kia natou 'e agahala mai kia matou
pea 'aua n'a ke tuku ia matou ki te fakahala,
kae ke ke fakama'uli matou mai te kovi.
'Ameni.

'Alofa Malia,
e ke fonu i te kalasia,
e ia te koe te 'Aliki.
E ke manuia koe i te faune fua pe,
peae manuia ia Sesu,
ko te fua o tou 'alo.

Sagata Malia,
ko te Fae a te 'Atua,
ke ke hufia matou agahala,
i te 'aho nei,
pea mo te 'aho o tomatou mate. 'Ameni.

Kololia / Glory be to the Father / Gloria Patri
Kololia ki te Tamai,
mo te 'Alo,
mo te Laumalie Maonioni.

'Io, ke hage ko tona kololia i mua,
mo tona kololia ia 'aho nei,
pea mo te 'aho katoa pe. 'Ameni.

Misitelio fakafiafia / Joyful Mysteries
1)            Te 'alu ifo a te 'Aselo o fetapa kia Malia
2)            Te fakafeilofaki a Malia kia 'Elisapeta
3)            Te fanaui ifo o Sesu i Petelehemi
4)            Te momoli o Sesu pea mo te fakatapu o Malia
5)            Te puli o Sesu mo tona toe 'iloi i Selusalemi

Misitelio fakamamahi / Sorrowful Mysteries
1)            Te mamahi o Sesu i 'Oliveto
2)            Te haha o Sesu i te pou
3)            Te hili o te kolona talatala ki te fofoga o Sesu
4)            Te 'amo e Sesu te Koluse ki Kalevalio
5)            Te tutuki o Sesu i te Koluse

Misitelio fakakololia / Glorious Mysteries

1)            Te tuuake a Sesu mai te puluhia
2)            Te haele a Sesu ki Selo
3)            Te haele ifo a te Laumalie
4)            Te 'avake o Malia ki Selo
5)            Ta fakanofo o Malia i Selo, ke tou 'Aliki 'aki ia


Manamanatu 'e Malia / Memorare
Manamanatu 'e Malia Taupoou 'ofa,
heeki mo logona mai he tahi,
nee hola mai o lafilafi mo falala kia te koe,
pea toe tekei ia,
koia, e au fiala hau ai kia te koe,
'Aloa, 'Aliki o te Taupoou fua,
pea 'e au agahala aipe,
kae au lele mai aipe o punou mo tagi i ou 'alo,
Fae a te 'Atua, 'aua naa ke tekei taku kole,
ka ke 'ofa mo tokaga ki ai.

Ko te Losalio ki te loto manavaofa o te Atua / Chaplet of Divine Mercy
(I te kamata o te kupui losalio - on the place of Glory .)
E Tamai Eteleno,
E au momoli atu Te Sino pea mo Te Taataa,
Te laumalie pea mo Te natula Atua o, Tou Alo Ofaina
Tomatou Aliki ko Sesu Kilisito,
Moo totogi aki amatou agahala
Pea mo teu agahala o te Malama nei katoa.
(Kote losalio lau tua hogofulu - on the place of Hail Mary)
Aki Tona Pasio mamahi,
Ofa mai kia matou pea mote malama nei katoa.
(Hili ia pea lau te kole aeni o fetogi aki te "Kololia" - at the end)
Atua Maonioni,
Atua Mafimafi,
Atua Hee gata,
Ofa mai kia matou pea mote Malama nei katoa